ياأم محمد سا محينى

يا أم محمد ســـامحيني
املك شي غير إني اكتب ليك
مش سهل علىّ شــعوري
إنك محتاجه لأيدي
وانا قُوتي معُدتش مــالكه
محتاج واقبلي تعازينا ف أبنك
موت إبنك كان على عيني
ما أنا مين يحـــميني

يا أم محمد سامحيني
يا أم محمد أنا عـــارف
إني بأجدّد أحـــــزانك
واني بكلماتي باقــــلّب
جوة دفاتر نســـــيانك
آسف.. وازاى راح تنسي؟!
ودا شئ يطويه نســيان؟!
سامحيني بجهلي وضـعفي
أنا واللي يدينوا بـــديني
يا ام محمد سامحيني
يا ام محمد ســـامحيني
أنا ناسي إنك مجــروحة
والجرح ف قلبك ضـارب
من غزة لحد أريــــحا
لكن زى انتي ما قـــلتي
صار إبني شعار لجــهادنا
باركولي لى شهادة إبــني
مش عايزة اللي يــعزّيني
يا ام محمد سامحيني
يا ام محمـــــد واللهِ
جرحك من جرحي تــمام
لكن.. أنا جرحي مسـمّع
من مصر لحد الشــــام
أنا برضك زيك لســـّه
بحلم بالفجر الطالــــع
بحلم واتمني أشـــوفه
قبل ما تتقضّي ســـنيني
يا ام محمد سامحيني
ما انا واحد مسلم عربـي
ما أفرقش عن المــلايين
بانده لصلاح يرجع لـي
واتباهي بيوم حـــطين
وباشوف الحلم العربــي
واتاثر بيه وبـــــعيّط
واسمع فيروز بتغنـــّي
وف صوتها بلاقي حنيني

يا أم محمد سامحيني
يا ام محمد كان نفســي
آجي بنفسي أعزّيـــكي
وامسح دمعة ما نـزلتشي
رفضت تدمعها عينــكي
لكن وازاى ح اوصـلك؟!
واحنا اللي ما بيننا حدود
وسلوك شايكة بتــمنعنا
مين راح ليكي يـعدّيني؟!
يا ام محمد سامحيني
يا ام الشهداء أنا عارفـك
صامدة كما الأقصي تمام
زي محمد كان صــامد
هو و"رامي" و" بسّـام "
زى المقلاع والطــوبة
اللي ف إيـــد الأولاد
زي الكُره اللي ف قلبـي
والنار اللي بـــتكويني

يا ام محمد سامحيني

ولاننسى الدعاء للشيخ الامام ابوانس التجارى